ڈی جی سندھ رینجرز میجر جنرل محمد سعید نے کراچی میں قائم رینجرز کے مختلف سیکٹرز کا دورہ کیا۔ ترجمان رینجرز
ترجمان رینجرز کے مطابق ڈی جی سندھ رینجرز میجر جنرل محمد سعید نے کراچی میں قائم رینجرز کے مختلف سیکٹرز کا دورہ کیا اور اس دوران انہوں نے رینجرز افسران اور جوانوں سے ملاقاتیں کیں، نئے ڈی جی رینجرز نے کراچی میں امن کی بحالی کے لیے سابق ڈی جی رینجرز لیفٹیننٹ جنرل بلال اکبر کے اقدامات کو سراہا۔
ترجمان کے مطابق ڈی جی رینجرز میجر جنرل محمد سعید نے افسران و جوانوں سے خطاب کرتے ہوئے کہا کہ کراچی میں امن کی بحالی کے لیے پاکستان رینجرز کا کردار اہم ہے، ہمیں دہشت گردی میں ملوث اندرونی وبیرونی طاقتوں کا پورا ادراک ہے، کراچی میں پائیدار امن کو یقینی بنائیں گے اور اس کے لیے دہشت گردوں، عسکری ونگز، اغواکاروں اور بھتہ خوروں کے خلاف آپریشن جاری رہے گا۔
Visit Our Websites
